నిర్మల ధ్యానాలు - ఓషో - 377

🌹. నిర్మల ధ్యానాలు - ఓషో - 377 🌹

✍️. సౌభాగ్య 📚. ప్రసాద్ భరద్వాజ

🍀. తర్కానికి యాంత్రిక శక్తి వుంటుంది. నీలో వున్న మానవ లక్షణం ప్రేమ. కానీ సమాజానికి దాని పట్ల ఆసక్తి లేదు. దాని వల్ల సమాజానికి వుపయోగం లేదు. అందువల్ల అది ప్రతి ఒక్కర్నీ తార్కికంగా వుండమంటుంది. 🍀

నీ ప్రేమ శక్తి పట్ల సమాజానికి ప్రేమ లేదు. దానికి నీ 'మేథస్సు' పైనే ఆసక్తి. నీ తార్కిక శక్తి పైననే ఆసక్తి. ఎందుకంటే అది అమ్మకపు సరుకు. సమాజం ప్రావీణ్యాన్ని కోరుతుంది. యంత్రంలాగా ప్రావీణ్యాన్ని కోరుతుంది. యంత్రానికి ప్రేమ గురించి అభిప్రాయం వుండదు. మెదడుకు సంబంధించి యిప్పుడో ఎప్పుడో కంప్యూటర్లు దాని స్థానాన్ని అధిగమిస్తాయి. 'తల' చేసే పనిని దాని కన్నా బాగా కంప్యూటర్లు నిర్వహిస్తాయి. కానీ ఏ కంప్యూటరయినా ప్రేమలో పడుతుందని నేననుకోను.

తర్కానికి యాంత్రిక శక్తి వుంటుంది. యంత్రాలు ఆ పని చేస్తాయి. నీలో వున్న మానవ లక్షణం ప్రేమ. కానీ సమాజానికి దాని పట్ల ఆసక్తి లేదు. దాని వల్ల సమాజానికి వుపయోగం లేదు. అందువల్ల అది ప్రతి ఒక్కర్నీ తార్కికంగా వుండమంటుంది. నువ్వు ఎంతగా 'తల'కు అతుక్కుని వుంటే అంతగా హృదయాన్ని మరచిపోతావు.

సశేషం ...

🌹 🌹 🌹 🌹 🌹