72 ఏళ్ల తర్వాత అమావాస్య, ఉగాది, చైత్ర నవరాత్రి ప్రారంభం అన్నీ ఒకే రోజు! After 72 years Amavasya and Ugadi/Chaitra-Navratri start all on the same day!

Facebook: https://www.facebook.com/groups/chaitanyavijnanam/posts/2096021481184322

🌹 72 ఏళ్ల తర్వాత అమావాస్య, ఉగాది, చైత్ర నవరాత్రి ప్రారంభం అన్నీ ఒకే రోజు! శుభ సమయం, నియమాలు తెలుసుకోండి! 🌹

ప్రసాద్ భరద్వాజ

🌹 After 72 years Amavasya, Ugadi and Chaitra Navratri start all on the same day! Have a good time, learn the rules! 🌹

Prasad Bhardwaj

చైత్ర నవరాత్రి 2026లో మార్చి 19 గురువారం నుంచి ప్రారంభమై మార్చి 27 వరకు కొనసాగుతుంది. మొదటి రోజు మార్చి 19న అమావాస్య కూడా ఉంది కాబట్టి స్నానం, దానాలు, ఘటస్థాపన ఎప్పుడు జరుగుతాయో తెలుసుకోండి.

చైత్ర శుక్ల ప్రతిపాద తిథి సూర్యోదయం సమయంలో నవరాత్రి ప్రారంభమవుతుంది, కానీ 72 సంవత్సరాల తర్వాత, ఈసారి చైత్ర నవరాత్రి 19 మార్చి 2026న అమావాస్య తిథితో ప్రారంభమవుతుంది.

విశ్వావసు నామ సంవత్సరంలో ఆఖరి నెల ఫాల్గున మాసంలో ఆఖరి రోజు అమావాస్య తిథి మార్చి 19న ఉదయం 7 గంటల 17 నిముషాల వరకూ ఉంది...ఆ తర్వాత నుంచి పరాభవ నామ సంవత్సరం చైత్రమాసం పాడ్యమి మొదలవుతుంది. అంటే సూర్యోదయం సమయానికి అమావాస్య తిథి ఉంది.

మార్చి 20 శుక్రవారం సూర్యోదయం సమయానికి ముందే..అంటే.. 5 గంటల 55 నిముషాల వరకే పాడ్యమి తిథి ఉంది. సూర్యోదయం సమయానికి విదియ తిథి ప్రారంభమవుతుంది.

సాధారణంగా సూర్యోదయం సమయానికి ఉన్న తిథినే పరిగణలోకి తీసుకోవాలి...అంటే మార్చి 19 గురువారం అమావాస్య అవ్వాలి... ఆ మరుసటి రోజు పాడ్యమి, ఉగాది అవ్వాలి. కానీ మార్చి 19 ఉదయం ప్రారంభమైన పాడ్యమి తిథి..మరుసటి రోజు సూర్యోదయం కన్నా ముందే అయిపోతోంది. అందుకే ఈ ఏడాది అమావాస్య, ఉగాది ఒకేరోజు వచ్చినట్టయ్యాయి. ఇదే రోజు అమావాస్య నియమాలైన స్నానం, దీపం పాటించాలి. చైత్ర నవరాత్రుల్లో మొదటిరోజుగా భావించి ఘట స్థాపన కూడా చేయాలి. ఇదే రోజు ఉగాది. అన్నీ ఒకే రోజు వచ్చాయన్నమాట.

మార్చి 19న సూర్యోదయం అమావాస్య రోజున జరుగుతుంది, కాబట్టి అమావాస్య ప్రభావం ఘటస్థాపన సమయంలో కూడా కనిపిస్తుంది. ఇది 72 సంవత్సరాల తర్వాత జరుగుతోంది. చైత్ర అమావాస్య నాడు స్నానం చేయడానికి , దానం చేయడానికి శుభ సమయం మార్చి 19న ఉదయం 4:51 నుంచి 5:39 వరకు. ఈ రోజున బ్రహ్మ ముహూర్త సమయంలో స్నానం ఆచరిస్తారు.

మార్చి 19న చైత్ర నవరాత్రి మొదటి రోజు, ఘటస్థాపనకు శుభ సమయం ఉదయం 6:52 నుంచి 7:43 వరకు ఉంటుంది. కలశస్థాపనకు అభిజిత్ ముహూర్తం మధ్యాహ్నం 12:05 నుంచి 12:53 వరకు ఉంటుంది.

చైత్ర నవరాత్రి మార్చి 19 నుంచి మార్చి 27, 2026 వరకు కొనసాగుతుంది. మార్చి 28తో చైత్ర నవరాత్రి ముగుస్తుంది.

చైత్ర నవరాత్రిలో దుర్గాదేవి తొమ్మిది రూపాలను, అంటే నవదుర్గను పూజిస్తారు. ఈ తొమ్మిది రోజుల్లో దుర్గాదేవి ఆశీర్వాదం పొందడానికి భక్తులు ఉపవాసం, ఆచారాలను పాటిస్తారు. రామ నవమి అనేది తొమ్మిదవ రోజు చైత్ర నవరాత్రి - తొమ్మిది రోజులు శక్తి దేవత యొక్క తొమ్మిది రూపాలకు అంకితం చేయబడింది. మహారాష్ట్రలో గుడి పద్వా అని కూడా పిలిచే ఈ పండుగ మొదటి రోజు ఈ ప్రాంతంలో నూతన సంవత్సర ప్రారంభాన్ని సూచిస్తుంది. హిందూ పంచాంగం ప్రకారం, ఒక సంవత్సరంలో నాలుగు నవరాత్రులు ఉంటాయి ..అవి ... చైత్ర నవరాత్రులు, ఆషాఢ గుప్త నవరాత్రులు, శారదీయ నవరాత్రులు , మాఘ గుప్త నవరాత్రులు. వీటిలో మొదటిది, మూడవది ప్రజా నవరాత్రులు. రెండవది, నాలుగవది గుప్త నవరాత్రులు. చైత్ర మాసం శుక్ల పక్షంలో జరిగే చైత్ర నవరాత్రులను శ్రీ రామ నవరాత్రులు అని కూడా పిలుస్తారు.

2026లో శ్రీరామ నవమి పండుగను

మార్చి 27, శుక్రవారం (చైత్ర శుద్ధ నవమి) నాడు జరుపుకుంటారు. తెలంగాణలోని ప్రసిద్ధ భద్రాచలం సీతారామచంద్ర స్వామి ఆలయంలో మార్చి 27న సీతారాముల కళ్యాణం, మార్చి 28న శ్రీరాముడి పట్టాభిషేకం అత్యంత వైభవంగా నిర్వహించనున్నారు.

🌹🌹🌹🌹🌹