🌹. మైత్రేయ మహర్షి బోధనలు - 130 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 100. మైత్రేయ మార్గము🌻
జీవితమున విజయములు కలుగుచున్న కొద్ది బాధ్యతలు పెరుగును. ఉత్తమమైన పరీక్ష యందు జయము పొందిన వాడు ఉత్తమమైన బాధ్యతను చేపట్టుటకే పరీక్ష. ఉత్తమమగు శక్తి గలవారు ఆ శక్తిని కార్యనిర్వహణమున నిలిపి జగత్ కళ్యాణమగు కార్యములను చేయుదురు. ఉత్తమమగు బుద్ధి వికాశము కలిగినప్పుడు అందుండి జన్మించు సిద్ధులకు, బాధ్యతలను పెంచునే గాని తగ్గించవు. ఉత్తములకు బాధ్యత మెండు. ఉత్తమ పురుషుడగు శ్రీరాముని జీవనము బాధ్యతామయమే.
బాధ్యత యందు రుచి గలవారే ఉత్తమత్త్వము కొఱకు నిజముగ పాటుపడుచుందురు. హక్కులకు పాటుపడు వారు, ప్రపంచమున ఉత్తమపదవు లందున్నను వానిని నిలుపుకొనలేరు. బాధ్యత, ఉత్తమత్త్వము రెండును బొమ్మ బొరుసుల వంటివి. బాధ్యతకే ఎగబ్రాకుట మైత్రేయ మార్గము. హక్కులకై పోరాడుట కలిమార్గము.
సశేషం.....
🌹 🌹 🌹 🌹 🌹
Comentários