🌹. మైత్రేయ మహర్షి బోధనలు - 144 🌹
✍️. రచన : సద్గురు కె. పార్వతీ కుమార్
సేకరణ : ప్రసాద్ భరద్వాజ
🌻 108. దేవ దానవులు -1🌻
మానవులకు దైవమిచ్చిన వరము సంకల్ప బలము, బుద్ధి. సంకల్ప బలము మహిమ మానవులకు పూర్ణముగ తెలియదు. తెలిసిన సరిసమానమగు బుద్ధి బలము లేనప్పుడు రాక్షసులగుచున్నారు. సంకల్ప బలమునకు బుద్ధి బలము తోడై నిలచినచో మానవుని పురోగతి త్వరిత గతిని సాగగలదు. సంకల్పబలము కుమారుని వంటిది. బుద్ధిబలము గణపతి వంటిది. గ్రహ పరముగ సంకల్ప బలము కుజగ్రహము నుండి, బుద్ది బలము బృహస్పతి నుండి, మానవులకు లభించు చుండును.
పై కారణముగనే తెలిసిన వారైన హిందువులు శివతనయుని పార్వతీ తనయుని ప్రార్థింతురు. పూర్వకాలమున సంకల్పము కలిగిన మానవులు పర్వతములను సైతము అట్టి బలముచే కదిలించుట, స్థలమార్పు చేయుట వంటివి గావించినారు. అది ప్రస్తుతము మహాత్మ్యముగ కనపడ వచ్చును. అది మహాత్మ్యము కాదు, మాగ్నటిజమ్ అయస్కాంతశక్తి.
సశేషం.....
🌹 🌹 🌹 🌹 🌹
Comments