🌹. మైత్రేయ మహర్షి బోధనలు - 143 🌹
✍️. రచన : సద్గురు కె. పార్వతీ కుమార్
సేకరణ : ప్రసాద్ భరద్వాజ
🌻 107. రహస్య భాషణము -2🌻
యతీశ్వరుడొకడు తరచు జంతువులతో మాటాడుచుండెడి వాడు. యతి చిలుకలను చూచి యిట్లనుచుండెను. “ప్రచారకుడా! "చిలుక పలుకులు పలుకుదువు, కులుకుతు తిరిగెదవు, చిలుక కొట్టుడు, కొట్టెదవు, భవిష్యత్తున తప్పక మత ప్రచారకుడవు కాగలవు. అతడు నీ వలనే ప్రదర్శకుడే. ఆచార్యుడు కాడు కదా! కులుకుచు తిరుగును. చిలుక కొట్టుడు కొట్టుచుండును. చిలుక పలుకులు పలుకు చుండును. మీ బోటి వారి వలన సంఘమున కేమియు ప్రయోజనము లేదు. వ్యర్థ జీవనులు”.
యతి కోతిని చూచి యిట్లనుచుండెడివాడు “విధ్వంసకుడా! నీవనుభవింప లేవు. ఇతరుల ననుభవింప నీయవు. సర్వమును ధ్వంసము చేయుదువు. నీవు నిజముగ కోతివే. నీ నుండి మానవులు పుట్టుట అసత్యము. కాని మానవుల నుండి నీవు నిత్యము పుట్టు చుందువు. నీవు యితరుల శ్రమను ధ్వంసము చేయుటయే పనిగ పెట్టుకున్నావు.” యతి బోధలు ఆకాశ తరంగములలో చేరి భూమి చుట్టును నేటికిని పరిభ్రమించుచున్నవి. చెవులున్న వారికి వినబడగలవు.
సశేషం.....
🌹 🌹 🌹 🌹 🌹
Commentaires