🌹. మైత్రేయ మహర్షి బోధనలు - 136 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 103. సూటి మార్గము🌻
ఆత్మ విచారము తామర తంపరయై, అడవివలె పెరిగినపుడు, ఆధ్యాత్మిక మార్గములు అగమ్యగోచరమగును. సామాన్యునికి, దిక్కుతెలియని స్థితి ఏర్పడును. పలువురు, పలు రకములుగ చేయు ఉద్భోధనలు తికమకపెట్టును. ఆత్మ సాధకునకు మార్గము తెలియక కలవరము మొదలగును. అంతయు అయోమయమగును. ఇట్టి సమయములలో పరిష్కారమొక్కటే. బాహ్యమగు విషయములను విసర్జించి, నీ హృదయమున నీవు, దైవమును చూడుము. నీ హృదయమునందే అతడున్నాడు. అచటనే వెదకుము.
అందరితోను హృదయసంబంధమే కలిగియుండుము. దైవము హృదయున సన్నిహితమగు మిత్రుడు. అతనికి గల ప్రేమ అపరిమితము. అది సామాన్యముగ బయట దొరకదు. అరుదుగ బాహ్యమున కూడ అతడు తన ప్రేమను జీవుల రూపమున రుచి చూపించుచుండును. అంతరంగమున అది ఎప్పుడును లభ్యమే. హృదయ సంబంధమే నిజమగు దైవ సంబంధము. ఇతరములన్నీ బంధములే గాని సంబంధములు కాజాలవు.
సశేషం.....
🌹 🌹 🌹 🌹 🌹
Comments