మైత్రేయ మహర్షి బోధనలు - 137

🌹. మైత్రేయ మహర్షి బోధనలు - 137 🌹

✍️. రచన : సద్గురు కె. పార్వతి కుమార్

సేకరణ : ప్రసాద్ భరద్వాజ

🌻 104. కలుపు మొక్కలు - 1🌻

యాంత్రిక జీవనమున జీవము తక్కువ. సహజీవనమున జీవమెక్కువ. సహజీవనము సరియగు మార్గమున నడచినచో, దివ్య జీవనమునకు అవకాశమేర్పడును. దివ్యజీవనమునకు ఉత్సహించి కొన్ని కుటుంబములొకచోట జేరి జీవించుటకు ప్రయత్నింతురు. దైనందిన కార్యక్రమముల నేర్పరతురు. ఉత్సాహముతో కార్యక్రమ ములు నిర్వర్తించుచుండగ, కాలక్రమమున అట్టి జీవనము కూడ యాంత్రికమగు అపాయము కలదు.

మానవులేర్పరచుకొన్న ఆశ్రమము లన్నియు కాలక్రమమున యాంత్రికములై నిర్జీవమగుచున్నవి. అట్లుకాక సజీవమై యుండవలెనన్నచో, సంఘమున నూతన సభ్యులు

చేరుచుండవలెను. నూతన కార్యక్రమములు కూడ సృజనాత్మకముగ నేర్పరచు కొనుచుండ వలెను, క్రొత్తవారి నంగీకరించుటకు ఉన్న వారికి పెద్ద మనసుండ వలెను. మానవుని మనస్సు, ప్రతి విషయమునందును స్థిరపడు టకు ప్రయత్నము చేయుచుండును. యతీశ్వరులు సైతము రాత్రులకన్న ఒక ప్రదేశమున నున్నచో మనస్సచ్చట స్థిరపడుటకై యత్నించునని భావించి, సంచారము చేయుచుందురు.

సశేషం.....

🌹 🌹 🌹 🌹 🌹