🌹. మైత్రేయ మహర్షి బోధనలు - 138 🌹
✍️. రచన : సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 104. కలుపు మొక్కలు - 2🌻
సామాన్య మానవుల విషయమున కుర్చీ నుండి పడక వరకు సొంతము చేసుకొను బుద్ధి మిక్కుటముగ నుండును. అట్టి స్థితిలో క్రొత్తవారు చేరునపుడు ఆదరించి తాము చేయుచున్న పనిలో ప్రవేశము కల్పించి తమలో కలుపుకొనుటకు చాల పెద్ద మనస్సు అవసరము. ఇట్టి పెద్ద మనస్సున్న వారే బృందములో పెద్దవారు. లేనివారు బృందము యొక్క ఆయుర్దాయమునకు తెలియక గండి కొడుదురు.
నూతనముగ వచ్చిన వారిలో గల సామర్థ్యమును, నైపుణ్యమును గుర్తించి తగు రీతిని వారికిని కార్యక్రమముల యందు బాధ్యత ఏర్పరచుట సహకారమునకు సంకేతము. సహకారము లేని సంగములు, బృంద జీవనములు, నామ మాత్రములై సదాశయమను విత్తనమునకు జన్మించిన కలుపు మొక్కలుగ భాసించును. సహకార ఉద్యమమునకు ఇవి వెక్కిరింతై గోచరించును.
సశేషం.....
🌹 🌹 🌹 🌹 🌹
Comments